Rukta Hua Kuch....

Khulte se lab pe kaye baat aake ruk jate hai,

Uthte se pag kisi raah pe jake ruk jate hai...

har pal hawa me ret ki tarah bah jata hai,

or humare jajbaat khyalat tk aake ruk jate hai..

Sahte hai hum apne hi banaye jakhmo ko,

or kahte hai, duniya me dard bahut hai...

chupa lete hai,hum  inhe khud se hi,

or sare ilazat yahan aake ruk jate hai...

Sochte hai aksar, ab socha n karenge jyada,

chahte hai jinko, ab chaha n karenge jyada...

pr.. ye mumkin n ho pata hmesa ki tarah,

or hum apni aukat pe aake ruk jate hai...

Rahte hai hum aksar khyabo me,

daurte-firte hai parchayiyo k piche tb tk,

jb tk ki hath khali n ho jaye pahle se jyada,,

or hum is haqiqat ki saugat pe aake ruk jate hai...