Sajayo jara...

Kayi dino se aasma matmaila pada hai,

ese le jakar nahalwayo zara....

kayi dino se ped soya khara hai,

ise uthakr brush karwayo zara...

kayi dino se wakt ruk-sa gaya hai,

iske liye hwaye-jahaj ki ticket layo zaro...

kayi dino se ye chand sak kar raha hai,

iska hindi filme dekhna band karwayo zara..

kayi dino se ye dil roye ja raha hai,

ise kuch chutkule sunayo zara...

kayi dino se ye aayine bake ja raha hai,

iske muh pe tape chipkayo zara...

kya pata kis wakt kaun sa rista dastak de jaye,

andar k mahaul ko sajayo zara...

mana ye iski asliyat nhi hai,

pr koi or n dekh le,

is waste kuch make-up chadayo zara....